నిద్ర రాని నాకు నైట్ అంతా నీట్ గా ఇల్లు సర్దుకొడం లో సరిపోయింది
నీలి ఆకాశం తెల్లబోయి చూస్తుంది నీ నీలికళ్ళల్లో నిదరెందుకు రాలెదని. నా పుట్టినింటికి వెళ్ళాలి ఆనందం ఉప్పోంగి నిదుర దరిచేరనంది. హడావుడి గా బయలుదేరిన నాకు ప్రశాంతమైన ప్రయాణం సాగింది
చుట్టూ పచ్చ దనం గడ్డి మొక్కలు చిరుగాలికి  ఉగుతున్నయి నీలగిరి చెట్లెమొ ఆకాశానికి బూజు దులుపుతున్నాయి తాటి చెట్లు తన ఆకులతో తాలం వెస్తున్నాయి తంగెడుపూలు విరగ బూసి సిగ్గుతో నేలకేసి రాస్తున్నాయి పక్కనే పిల్లకాలువలు. కువ కువ మంటూ గువ్వలు . చెరువులన్నీ నీటితో నిండిపోయున్నాయి. పచ్చని పోలాల్లో తెల్లని కొంగలు కదలకుండా నిలుచున్నాయి నేను వెళుతున్న రైలెమొ కూతకూస్తూ పరిగెడుతుంది గాలివాటానికి నా ముంగురులు మొముపై నాట్యం చేస్తున్నాయి రాత్రి నిదుర పోని నా కనులు కునుకు తీస్థున్నాయి. పసువులకాపరి రాతి గుట్టపై పడుకుని ఏవో పద్యాలు పాడుతున్నాడు. విహంగాలు ఏవో  వింత నాదాలు చేస్తున్నాయి ప్రయాణం లో నా మది పరవశించి పోతుంది.