నిదురమ్మ

సోయగాల కన్నుల 

సోలిపోవు రేయిలా 

సొంపైన  వాలుకన్నులా 

ఇంపారగ నీ రూపం నింపుకున్న కలలా 

సొగసులెన్నో నా చెలి కన్నుల 

శ్వాసలో చేరే చల్లని వెన్నెల 

స్వగతాలు పలికే నిదురమ్మకి ఇలా 

స్వప్నాలలో చెలి తేలే సోలెనిలా 

సోదలు వేతలు మరచిపో అలా 

సరసిలో తేలు కలువ కన్నుల 

సంధ్య దాటి చీకట్లు కమ్మేవేల 

సుందరర వదనం  తోచే సరోజంలా 

నీ సమక్షంలో లేని క్షణాలు నిరర్థకంలా 

నిరీక్షనలే నిన్ను చేరుటకై ప్రతిక్షనాలు 

                            -కళవాణి-

ఆగుమా అలివేణి

ఆగుమా ఆగుమా అందాల నా అలివేణి 

నీ అరవింద నేత్రాల్లో నా నీలి నీడ చూసుకొని 

అలఒకగ సాగే నీ నడకల సొంపులా 

అటు ఇటు ఉగే నీ నడుము ఓంపులా 

ఘల్లు ఘల్లున కలహంసల నడకలతో చేరుకో చెలి 

నల్లనల్లని నీ నీలికనుల నను దాచుకో సఖి 

అప్సరవై  హృదయ సామ్రాజం ఏలేవు 

ఆ దివిలోని అప్సరల తలతన్నే అందాలోలికేవు 

అలిగిన నీ ముద్దుమోము అరవిరిసిన అబుజము 

అధరముల జాలువారు నీ పలుకులు అతి మధురము

అల్లుకు పోయిన నా బాహు బంధాన నిను బంధించనీ 

అల్లన నీ అధారాబృతాన్ని  మేల్లాన చుంభిచు కొనీ 

రా చెలి నిను నా మది కోవెలలో కొలుచుకొనీ 

రాగాలా నా విరిబోని స్వరాభిషేకం చేసుకొనీ 

                                            -కళావాణి-

తుళ్ళి

తుళ్ళి తుళ్ళి గంతులేసే మది
తూనీగల్లే తెలితేలి  మబ్బులతో భేట్టి పడి
తనువు విల్లులా వంచి తకిట తకిట తాలమెసి అడి
తాచుపామువంటి జడ ఉగి తూగు ఎగసిపడి
తడబడే అడుగు నిను తలచిన మది ముడిపడి
తాకిన తన్మయమే తలచి తలచి తడబడి
తబ్బిబ్బుల ఎగసిపడే అలల ఓలే ఎద అలజడి
తరియించెనె నా తనువూ ఏడడుగుల బంధమిడి
తల్లడిల్లు నిన్ను వీడి క్షణమైనా బ్రతక లేను  విడివడి
తళుకు తళుకు తారలాగా నిలిచి పోవు నింగి నిండి

నాన్నమ్మ ముద్దు

అమ్మ ప్రేమ కన్నా మిన్న ప్రేమ నా సొంతం

నాన్నమ్మ గారాల పట్టి నేనే నన్న అమిత గర్వం 

చిన్న తనం అంతా నాన్నమ్మముద్దే 

సంద్రం అంత ప్రేమకు హద్దే లేదు 

ఓడిలోచేరి అల్లరిచేస్తే ఆపే చెయ్యే లేదు

నాన్నమ్మ గోరుముద్దలు మరువలేనేప్పుడు 

నాన్నమ్మను అల్లుకుపోయే హాయే ముద్దు 

నాన్నమ్మ ప్రేమ కేదీ సాటిలేదు 

నన్ను ఒడిలో చేర్చి లాలించే లాలి  ముద్దు 

నన్ను ఊయలూపె జోలపాడే జోల ముద్దు 

నన్ను ముద్దులతో ముంచె ఆ బోసినవ్వు  ముద్దు 

నన్ను గిలిగింతలు పెట్టి నవ్వించే తీరు ముద్దు 

నన్ను బుడి బుడి అడుగులు వేయించే చేయి ముద్దు 

నేను నేలపడితే తన గుండెకు హథుకొను ప్రేమ ముద్దు 

నాతో దొబూచాట ఆడే ఆ సేహం ముద్దు 

నను బుగ్గ గిల్లె అమ్మ ఆట ముద్దు 

నన్ను ఊరంతా తిప్పి నిద్రపుచ్చు తీరు ముద్దు 

నన్ను ముద్దుగా పెంచిన నాన్నమ్మ జ్ఞాపకం ముద్దు 

నిన్ను తలచిన నా కన్నీటికి లేదు హద్దు  

నా శ్రీవారికి అంకితం

గుండెల్లో మ్రొగే ప్రియ రాగాలు
గున్నమావి కొమ్మల్లో గండు కోయిల గీతాలు
గుప్పెట్లో దాచా కోటి ఉహలు
గువ్వలా ఎగసే కోటి ఆశలు
గుడిగంటలా నా శ్రీ వారి పిలుపులు
నీ గుండియపై వాలే క్షణాలు
గుచ్చిన సంపెంగల సువాసనలు
గుమ్మానికి వేలాడే నీకై నా చూపులు
గుర్తు పట్టేను నామది నీ పాద సవ్వడులు
గుట్టుగా దాచా నీపై నా ప్రేమలు
గుండియలో నా రామ నామాలు
గుసగుసలు చెప్పే మన ప్రణయాలు
గుర్తుకొస్తుంటాయి నిత్యం నీ స్మృతులు
                                           -కళావాణి-

స్వర రాగ మధురం

నా పాట స్వర రాగ మధురం
నీ పేరు పలికిన అధరామృతం
నర్తించు నా పాదం నటరాజ మంజీరం
నిద్రించే నా కనుల నిండెను నీ రూపం
నల్లనయ్య నీ పిల్లనగ్రోవి పలికే మోహన రాగం
నీ పల్లవిలో నా పదమల్లుకుపొయె భుపాలరాగం
నల్లని నా జడలో తెల్లని మల్లెలు తురిమితి నీకోసం
నిరీక్షించు నన్ను దాటి దాగి ఆడే నీ గారభం
నీ అపెక్షలెన్ని ఉన్న ఉపేక్షించునా విరహం
నిండు చందమామలో నిన్ను చూచునానందం
నంద నందనా వెన్నెల్లో వన్నెల సిరి గోపురం
 నీ రాధనురా నీ కలయిక అతి మధురం

వెన్నెలా

వెన్నెలా వెన్నెలా నన్ను దాటి వెళ్లాకే 

వన్నెలే చిన్నేలే నాకు పంచి వెల్లవే 

 వెన్నెల్లో చక్కని చుక్కలతో సయ్యాటలాడేవే

వెతికాను మక్కువగొలిపే మబ్బులలో  దోబూచాడే నిన్నే  

వెన్నెలరేడు చీకటిని చీల్చేసి చల్లదనం చల్లాడే 

వెన్నెలమ్మ ముగిట్లో చెమ్మ చెక్క లాడవే 

విధువు విచేసిన వేల చల్లని వింజామరా నను తాకి వెల్లవే
విభావరిలో విరి శయ్యపై సంపగి సువాసనలుచాల్లవే
విజనమున జాబిల్లి నా తోడుగా విచ్చేయవే
వారిధి పై నీ వన్నియచూడ  కన్నులు చెదరునే
వలకాడవు నిను వర్ణించుట నాతరమగునే