మరుగేల మాధవా

నీలి గగనంలో చందమామా
నీలమోహనునికి నీవైనా తెలుపుమా
నీ గానాలలో  తేలేము
నీ ధ్యానమే చేసేము
నీ జత లేక విరహించేము
నల్లనయ్యా వెన్న దొంగా
దోబూచేలరా దొరవేనీవుగా
దరిచేరరారా జాగేలరా
దరహాసమే లేదు అధరాలపై
ద్విరేఫము పరిబ్రమించు పుష్పాలపై
సిరివెన్నెల విరిసింది
సింగారి నీకై వేచింది
మరుమల్లెలు పూచాయి
మతేక్కిస్తున్నాయి
మదన మనోహరా రావోయి  
మది ఆలపించి పాడేము
మృదంగద్వనులతో పిలిచేము
మృదుమధుర గానాలతో వలచేము 
మరుగేల మాధవా
నా మనసెల రావా
             -కళావాణి -

నీజత

జానపదాలు జలజల పారే జలపాతాలు
జాబిలమ్మకు జావలీలు పాడే వెన్నెల్లు
జరిగి జరిగి వొరిగి ఇటు కరిగి
జతగా మసలే సుఖము మరిగి
జిలుగు మొము మరువలేమని ఎరిగి
జాజిపూల మత్తులో మునిగి 
జాలువారు కన్నుల మత్తిడి
జగమున నిలిచే జంట మనదని
జమున మనకు సాక్షమని
జలజాక్షి సన్నిదే మోక్షమని
జర్మ జర్మలకు నీజత కోరి
జీవితమే తరీంచిపొనీ
             -కళా వాణీ -
       

ఉగే ఊగే ఉయ్యాల

ఉగే ఊగే ఉయ్యాల
రాదా కృష్ణులు ఉయ్యాల
గోపికలు ఊపె ఉయ్యాల
ఆనంద డోలల ఉయ్యాల
వయ్యారి రాధమ్మ ఉయ్యాలా 
వొర కంట చూసింది ఉయ్యాలా 
వలపంత పొంగించి ఉయ్యాలా 
వెణువుని ఉదింది ఉయ్యాల 
వోరకంట చూసాడు  ఉయ్యాలా 
 క్రిష్నయ్య చూపుకి ఉయ్యాలా 
రాధమ్మ బుగ్గల్లో ఉయ్యాలా
సిగ్గొచ్చి కమ్మిందే ఉయ్యాలా
రాధమ్మ మనసంత ఉయ్యాలా 
యమునల్లె పొంగింది ఉయ్యాలా
రాధా మాధవులు ఉయ్యాలా 
ఊగెటి ఊయల్లు ఉయ్యాలా
జగానికే జోలలు ఉయ్యాలా 
                   -కళావాణి -

పెళ్లి పందిరి

జీరాడు చీర కుచ్చిళ్ళు
పారాడు పాదాల మువ్వల్లు
ముసిరేటి ముంగురులు
చెదరేటి కుంకుమలు
కదిలేటి ఆధారాలు
చుoబించు మదురాలు
కరిగేటి కాటుకలు
ఎనలేని వెన్నెల్లు
గుచ్చేత్తే అందాలు
గోదావరి పొంగుల్లు
గారాల అచ్చట్లు 
ముదితల ముచట్లు
మురిపాల చెక్కిళ్ళు
సరస సల్లాపాల గిచుళ్ళు
పెళ్లి పందిట్లోపారాడు పడుచులు
పడతుల పలుకులు కులుకులు
కళ్ళకు కనువిందులు
                    - కళావాణి -

ఒకే జత

పల్ల్లవించు పరువంలో
పులకరించు మురిపాలు
పరిమళించు పువ్వుల్లో
ప్రణయ వీణ పలుకుల్లో
పాటలై సాగి వేళల్లో
మాటలే మూగబోయి వేళల్లో
పట్ట పగలే చుక్కలు పొడిచే
పాలవెల్లి పుంతల్లో
పూల గాలి రెక్కలు తొడిగి
విహరించు వేళల్లో
పలుకులలో తేనెలొలుకు చిలకా
పరువాలలో పొంగి పోవు మొలకా
నే నేవరో నీకేరుకా
నీ రాకతో నాకు నిదుర రాక
నువ్వెవరో నేనెవరో
ఇలా వున్నమే ఒకే జతలో
                    -కళావాణి-

దరిచేరరా దయచేసి

నీ చూపు సుడి
నా ప్రేమ సడి
నీ వెంటపడి
నా నిదుర చెడి
పల్లవించు పరువంలో
పులకరించు మురిపాలు
మధుమాస వేళల్లో
మరులోలికే ప్రేమలో
మరుమల్లె తోటలో
మనసైన నీకోసం
మాటుగా వేచేను
కురులు చెదరే
కన్నుల కాటుక కరిగే
నొసటన తిలకం జారే
నీరు సలసల కాగే
నిలువనీక నీకై వేగే
దాగుడుమూతలు మని
దరిచేరరా దయచేసి
        -కళావాణి-

మధుర గట్టo

యమునా తీరం రమ్యమైన తివాచి పరిచినది
యదాయధాలు గ సుమములు సుగంధ పరిమళాలు వెదజల్లినది
యాచించే కృష్ణయ్యను రాధ యుగాలు నిలిచే ప్రేమ కావాలని
యోచించకనే క్రిష్నయ్య తధాస్తు పలికే ప్రేమనివ్వగాలనని
యదార్థమే కదా రాధామాధవుల ప్రణయం
యుక్త మై నిలచియుండును ప్రాణమై
యవ్వని జవ్వని రాధ రాగానే
యదను పరిచే బృందావని పులచే
ఎల్లలు లేనిది గోపెమ్మల ప్రేమ
యశస్సు తో వెలిగే గొపీ మనోహరుడు
యదలో నీ సొదలన్నీ గానమై ఆలపించే
యాగమై ధ్యనమై మనసు రమించె
యందేందు వెదకినా కన్నులందే కన్నయ్య నిలచె 
యెమాయె ఈవేళ మనసు కొలతమేటించే
యుగాలదా ఈ బంధం నను మైమరపించే
యక్షులు గంధర్వులు ఈ మధుర గట్టని కని ధన్యత నొందిరి 
                                      -కళావాణి-

నెమలి నేరజాన

నెమలి నేరజానవే నీవు
నేలపై పురివిప్పి నర్తించెవు
నెమలి పింఛానికి ఎన్ని వర్ణాలు అద్దావు
నల్లనయ్యకు శిఖి పింఛమౌళి బిరుడునిచ్చావు
నాట్య శాస్త్రానికె వన్నె తెచ్చావు
నాట్య మయూరి నీ నడక వయ్యారి
నీలి మేఘాల ఉరుముల మెరుపులు
నీ కాలి అడుగులకు వేసే తాళాలు
నీలి నీలి వర్ణాలెన్నో నీ గళంలో
నిగనిగ ల మెరుపులే నీ గళం వొంపుల్లో
నీ వన్నెకు మెచ్చి ఇచ్చారా కిరీఠo 
వన మయూరీ వన్నె చిన్నెల తువ్వాయి
నీ సరి ఎవోయి

స్నేహం

స్నేహం గోప్పది
నిన్ను న్నిన్నుగా చూపేది
నీ స్నేహితున్ని చూసి
నీ గురించి చెప్ప గలిగేది
స్నేహమనే పదం స్వచ్చమైనది

పల్లెటూల్లు

పల్లెటూల్లో
పిల్లగాలిలో
పిల్లకాలువల్లో
పల్లపు భూముల్లో
పిచ్చి మొలకల్లో
పిచ్చి పువ్వుల్లు
పచ్చదనాల పరవళ్ళు
పక్కనే గుడిసెల్లో
పందిరి లేని తీగల్లు
పై పై పూచే పువ్వుల్లు
పలకరించు తేనే పలుకుల్లు
పరికించి చూడ మేని పులకల్లు
                            -కళావాణి-

వేల్లనీయరా కృష్ణా వేళాయెరా కన్నా

వేలాయెరా మతిమాలి
వేల్లనివ్వరా వనమాలి
వేణుఉది వేదించకూరా
వేళకాని వేల కృష్ణ
వెన్నదొంగా నా మది దోచితివి
వేకువనే నీ తలపులు నను నిలువనీవు
వేచి వేచి విరహంతో వేదిస్తావు
వెన్నులో సెగలవును
వెన్నoటే తలపవును
వేగలేక వెతలవును
వేళకాని వేల నీ పిలుపులాయే
వెదకి వెదకి వేదనాయే
వేలదాటి రాకలాయే
వెళ్ళనీయక నీ రూపు నా కాళ్ళకు బంధమాయే
వేల్లనీయరా కృష్ణా వేళాయెరా కన్నా
                                     -కళావాణీ -

బృందావన సంచారా

యదుకులోత్తమా యమునా తీరాన గోపికల ఎదలో నీ లీల
యశొద తనయా ఎదురుచుపుల వేతను మరచి ఆడిన ఆనంద కేళి
యద యదలో దాగి ఎనలేని ఆనందాల తేలి తేలి
యమునా తీరాన నీ వేణుగాన రాగ సుధల తేలి తేలి
యల కోయిల రాగాల శృతులు కలిపి ఏవో లోకాల తేలి తేలి
యాదవా మాధవా మగువలమానసచోరా శృంగార రసకేళి
యుద్దమే చేయని యవరాజు రాజు రాజ్యం
యదార్థాల సారమైన గీతాబృతం
 యుగ యుగా లకు నీ గీతా సారమే శరణం
యే కాంతకైనా ఏకాంతాన నీ ప్రేమే స్మరణం
యేమని పొగడుదురా బృందావన సంచారా 
యే రీతి కీర్తింతునురా ముగాకర నగాకర
           ముకుందా మాధవా
              -కళావాణి-

నిరీక్షణ

వాలు పొద్దుల్లో కన్నులు కాయలు కాచేలా వేచితి
వొద్దికగా వంగపండు రంగుచీర కట్టితి
వడి వడి గావచ్చా అలికిడి విని నీవని
వాడివాడి గా వెన్నెల గుచ్చే ఆలస్యమయినదేమని
వాడిన జాజులు జాలిగా చూసే నీ పెనిమిటి రాడేమని
వేడి నిట్టుర్పు లాయె ఏమయినదొనని
వేచి వేచి కన్నిరైతి జాడయినాలేదని
వినువీధికి చుపుంచి వేచి వేచి వగపాయే
వంటరినయిన నీ ఉహలు వదలవాయే
విమలము లేని మనసాయె
వోదార్పు లేని వియోగాలాయే
విరించి వేసిన వింత బంధం
విడలేని వివాహ  భంధం
విడిపోము మనము
                -కళావాణి-

జాబిల్లి

జాబిల్లి జలతారు మేఘాల దాగి దాగి
జల సంద్రంపై వెండి వెలుగులు జల్లి చల్లి
జలజలా జలపాతలలపై పండువేన్నేల్లెవెన్నేల్లు
జల్లున మేనిని జివునలాగే కొండగాలుల్లు
జత జతగా పేర్చిన కొండకోనల్లు
జలతారు వెలుగులో జీరాడు కుచ్చిల్ల అలల నురగల్లు
జామురాతిరి వెన్నెల జోలల్లు
జరగాలి వేడుకలు వెన్నెల వేదికల్లో
జతచేరి జంటలన్నీ ఆడాలి వెన్నెలల్లొ
జగమంతా మురవాలి వెన్నెల దారుల్లో
                                      -కళావాణి-

ధ్యానం

నీపై ధ్యానం నీ నామమే స్మరణం
నీకే నా జీవితం అర్పితం
తంబుర నాదాంబృతం
తాపసీ తమకం
దీపమై వెలుగు తేరా
దివి నేలే దీరా
మోహనాంగా నీ మోహన వేణుగానం
మొదలై ఇది తుదిలో నిలిచే వేదసారం
మీరా వల్లభం  శ్రితజన రూపం
మీరా మనసు మీటె కృష్ణ గీతం
మీటే ప్రతి రాగం మాధవ స్మృతుల హారం
ఆగమంటే ఆగేనా ఆరాధనా ప్రవాహం
అంగాoగమున నిండే అనంతుని రూపం
మది మందిరాన కొలువై ఉన్నకృష్ణ తేజం
మాధవా అని పిలిచినంతనే ఎదుట నిలిచే గోవిందం
మనసు మాధవ మందిరం
మధురమాయే జీవితం
                    -కాళ్ళవాణి-

నీ రాధనురా రాదేయా

నువ్వు నా కళ్ళలోకి చూడు నువ్వే కనిపిస్తావు
నువ్వు నా మనసులోకి వేదికి చూడు నీవే నిండి ఉన్నావు
నిన్ను వదలి ఉండలేను రా నీ రాధనురా రాదేయా
నీ కన్నుల కనుసన్నలలో నన్ను దాచరా కన్నయ్య
నిన్ను తలచి తలచి నన్ను నేను ఏనాడో మరిచాను
నీ రాకకై వేచి వేచి వెన్నెలలో వేశారాను
నీవు రాణి వేల విరహపు సెగలు నన్ను దహీంచునురా
నిన్ను కన్న వేల మది వేయి వీణలు మీటునురా
నీలమోహనా నీ అలికిడి విన్ననా మనసున మయురంబులై నటిఇంచు
నీ చేయి తాకిన నా మెనూ వేయి మెరుపు తీగలు వెలుగులు వెలిగించు 
నీరజాక్షా వేణుగాన సమ్మోహనా నా మది రాగాలు ఆలపించు
నీలమేఘశ్యామా ఏనాడో నా మనసు నీవసమా నన్నాదరించు
నీ పలుకే సుస్వరాల రాగామలికలే కూర్చు
నీ ప్రేమలో మది బృందావనిలో పొన్నలు పుఇంచు
నీ మురళిని నేనై నను నీ అధరములలో చేర్చు
నీ ప్రణయాన నను పరవసించనీ మైమరచి
                                             -కళావాణి -

How to Celebrate our BIRTHDAY

కలువల కొలనులో కమలములు విచ్చినవి
కన్నయ్య రాకతో నా కన్నుల కలువలు విచ్చినవి
రాధను నేను నా రాదేయుదడితో రాగారాధన చేసేవేల
రాజీవుని మురళీ రవళి కి రాజీవములు విచ్చె నిలా
రాయి కైన చలనము కలుగు రాగాలాపనలో
రాజ హంసలు తలలూచి శృతి కలిపే రస కేళిలో
రయ్యన ఎగిరివచ్చి కాకి పురములు నాట్యమాడగ నిలచె
రమ్యమైన శారద రాతిరిలో రాజీవునిచెంత  నా మనసు నిలిచే


 

 

పుత్తడి బొమ్మ రాధమ్మ

పూవ్వులో తావిలా నిన్నంటి నేను నాలో ఒదిగి నీవు
పూబొని విరిసేను నీ వదనము నను గనినంతనే
పున్నమి జాబిలివి పట్టపగలే వెన్నెల విరిసేనే
పువ్వంటి నీ మేని అందాలు తాకి పులకించితినే
పుడమి పుణ్యమెమో మన జంటతో తరియించెనే
పూమాలలాయే నా మేడలో నీ మమకారమే
పురుషులలో పుంగవుడనైతి నీ ప్రేమచే
పుండరీకాక్షుడనని పులకించావే మైమరపించవే
పుత్తడి బొమ్మపూరెమ్మ నీవేనా ప్రాణమమ్మా
పునర్వసుడకు ప్రతిస్పందన నీవేనమ్మా
పున్నాగపూవే నువ్వు నీ చుట్టూ బ్రమరము వోలె నేను
పూర్వజర్మ సుక్రుతములే ఇది మధురము నీవు నేను
పురాణాలలో నిలచి ఉండు మనప్రేమ ఇది నిజమౌను
                                                       -కళావాణి -

నిండు పున్నమి వెన్నెల

నిండు పున్నమి వెన్నెలారబోసింది 

జుంటు తేనే తాగే గువ్వ గుసగుసలాడింది 

పుట్ట మీద పాలపిట్ట  పులకించి పాడింది 

చెట్టు మీది చిన్ని గువ్వలు గంతులేసి ఆడాయి 

నీటతెలుహంసల జంట వెన్నెల విహరించాయి 

పట్టపగలే సిరివెన్నెల సిందేసి ఆడింది 

పక్షులతో కొలువైన ప్రకృతెంతో మురిసింది

అందాల జాబిల్లి అందుతుందేమో అనేలా 

ఆవనిపై అందాలు అరబోసేనే ఇలా

వేల కన్నులు కావాలి వీక్షించడానికి 

వెలలేని సౌరభాలు ఇలా చిత్రించడానికి 

           -కాళావాణి-

నేలంతా పరచిన తివాచిలా

పూల పరిమళంలా 

ఎటిలోని అలల్లా 

గాలి గలగలా 

నీటి మిల మిలా 

గువ్వ కువకువలా 

నవ్వు కిలకిలా 

మువ్వగల్లు గల్లు లా 

రాయంచ నడకలా 

రామచిలుక పలుకులా 

తేనీటి వాగులా 

నీలాల నింగిలా 

నేలంతా పరచిన తివాచిలా

ఈ ప్రకృతిని కన్న కన్ను డన్యత నోందేలా 

నెల విరిసిందిలా మనసు మురిసిందిలా   

                                              -కళావాణీ\-

గోవర్ధన గిరిధరా

గొల్ల గోపన్నల సమేతా గోవర్ధన గిరిధరా
గోవుల్లు కాచేటి గోవిందా
గోవులు నీ గానామృతమును విని మేతమానే
గోధూళి వేళ గోవులన్నీ నీ వెంటే నడచేనే
గోప బాలురకు నీ మాటే వెదమాయెనె
గొల్ల స్నేహాల  నీ అల్లరి ఆటలు
గొల్ల గోపికల తో సరస సల్లాపాలు
గోమాతల శోకము తీర్చిన కాళి మర్ధనా
గోవర్ధన గిరిని నెత్తి వ్రేపల్లె ప్రజా రక్షకా
గొడవలాయె అత్త కోడళ్ళకు వెన్న దొంగా
గోకులానికినీవే అండ దండవుగా
గొప్పగా స్తుతించే ప్రపంచమెల్ల నీ రాజ్యన
గోపికా మానస సంచారి

రాధా మాధవుడు

• రాగాల లోలుడు నీవు 
• రాసకెళ్ళి వేల రాధా ను నేను
• రమణీయ బృందావనిలో 
• ఏకాంత వేల నీ ఏకాంత సేవ 
• నాలో నీవు నీలోనేను లీనమౌదము 
• మల్లెతీగాల్లె అల్లిన మనబంధం మధురం
• మదిలో మల్లెలు పూచిన అతి మధురం
• ఎరుల్లొ వాగుల్లో ఏమునా నది తీరంలో 
• ఎల్లలు లేని మన ప్రేమ పరవళ్ళలో 
• హద్దులు లేని పోద్దులకోసం ఆరాటం
• ముద్దుల క్రిష్నయ్య కౌగిట్లో కోలాటం   
• చల్లనమ్మే గోపికా మానస చోరా 
• ఎల్లలు లేవురా మనప్రేమకు మానసచోర 
• బృందావనం వెలసింది మనకోసం 
• నీమందహాసం మదిలో రేపింది కోలాహలం 
• ఈ బంధం చిరకాలం నిలువునులే 
• ఈ ప్రేమ మన మనసున పదిలములే 
• రాగాల మనోహరా నీదే ఈ రాధ

           _కలావాణి _

పసుపు ఆరబోసిన ఆకాశం

పసుపు ఆరబోసిన ఆకాశం
బంతి లా భానుడు బడలి ఒరిగేవేల
గువ్వలన్ని గూటికి చేరెవేల
చీకట్లు చిలికి చిలికి కమ్మే వేల
పిల్లగాలి ఈలలు వేసేవేల
మనసు ఈ సందెవేళ
మంచులా హాయి గోలుపులే
                          -కళావాణి - 

సందె సీకట్లో సంపంగి వెలుగులు

సందె సీకట్లో సంపంగి వెలుగులలో 
శకుoతలములు సేదతీరువేలలలో 
సాగరుడు శాంతించు వేళల్లో 
సందె గాలి సన్నాయి పాదెవెళల్లొ 
సొలసి అలసిన మనసులు నీ 
సువర్ణ లేత కిరణాలు సోకి సత్వరమొందేను 
                                             - కళావాణి-











-

శోకార్చి శోకార్చి

శోకార్చి శోకార్చి కన్నుల నీరన్ని కడతేర్చి
నీవు ఏతేoచకున్న వేచిన వెతను విడమర్చి
నిన్నల్లో మొన్నల్లో వెన్నెల్లో తేనేర్చి
నన్ను వల్లనన్న నల్లనయ్యకయి కన్నీరొడ్చి
మల్లెకన్న తెల్లని మనసు నాది చూడు నీ మనసు చేర్చి
మబ్బుల్లో చూసా నిను పోల్చి
కొమ్మలకు కోయిలలకు చెప్పా నీను గూర్చి
కొండలు కోనలు నా స్థితి చూసి ఓదార్చే
పొన్నల పూల పొదరిల్లు నాకందించే గాలిలో గంధాలు చేర్చి
పక్షులు నాకయి వినిపించే సుస్వరాలు తన గొంతులో కుర్చీ
చల్లనమ్మి వచ్చి  నల్లనయకై వేచి వేచి నిట్టూర్చి
చల్లగాలీ నీవయినా నా వెతను నల్లనయ్యకు చేర్చు
క్షణమైనా నిను వీడి ఉండలేనని మధురమయిన మాటలన్నీ కూర్చి
                                                                     కళావాణి 

కమ్మని మనప్రేమ కమనీయము కమనీయం

మదన మన్మదాకారా ముకుంద వదనా
మరులు గొలుపు నీ రూపు మరువగలనా
నా కన్నులనీ రూపు చెదరునా
నా మసున నీ గానం మరువగలనా

రాధికా నా రాగల మాలికా
రంగు లన్ని రంగరించిన రoగవల్లి కా
రా రమ్మని పిలిచే నీ చూపుల నన్నేలిక
రాగాల లోలుని కవ్వించే కావ్య నాయికా

చూపులు కలిసెను లోకము మరచెను
చుక్కలు పొడిచెను మక్కువ గొలిపెను
చక్కదనాన చెక్కిలి మెరిసేను
చమకు చమకుల ముక్కెర మెరిసేను

కమ్మని మన ప్రేమ కమనీయము కమనీయం
కలకాలం నిలుచును
                                        -కళావాణి -

కళల కావ్యాo

ఆమని అందాలు జలజల సాగే జల పాతాలు మనసును మరులు గొలిపించు తేలి మంచు సోయగాలు
పరువాల పల్లె పడుచు పరికిణి లాంటి ప్రకృతి పచ్చదనాలు
పాల ధారా వోలే గంగ శివాభిషేకానికై తపియించు తలపులు
కళల కావ్యాo లా కదలి సాగే కమనీయ పిల్ల కాలువలు
కన్నుల విందుచేసే వర్ణించ లేని కావ్యాలు
వీచే గాలి గంధాలు పూచెపుల పరిమళాలు
పరచిన తివచీల పచ్చ దనాలు
ప్రియుని పిలుపులా తీయటి గాలుల గానాలు
చిగురుటాకుల చమరింతలు
కొండల కొనల కోకిల గానాలు
కడతేరిపోవాలి నా జీవితం ఇక్కడే ఇప్పుడే
                                                -కళావాణి-

శిఖి పించమా నీవైనా తెలుపుమా

నీ రాధా నీ కోసం నిలువెల్లా కనులతో నీకై వేచేనురా కృష్ణ 
నీవైనా తెలుపుమా శిఖి పించమా నా వేదన సిఖిపించ మౌళ్ళికి 
నీలిమేఘమాలా జాలితో నీవైనా తెలుపుమా నా ఆవేదన నీలమెఘశ్యమునికి 
కాటుక కన్నీరు యమునలై సాగే యదోలని వేతను తెలుపు  వేణు మాధవునికి
                                                                    -కళావాణి-

మీరా

తంబుర శృతిచేసి తన్మయత్వంతో నిన్నే స్మరియితునురా క్రిష్నయ్య
నా తలపుల తనువుల తలచి తరియింతునురా క్రిష్నయ్య 
తపించే నీ మీరా కన్నులందు కొలుచుకుంటా నిన్నే కన్నయ్య 
తరలి రారా తార తరసుధా పూర్ణ హృదయా 
తనివార నిను గాంచి తరియింతునురా కన్నయ్య 
కృష్ణ కమలనయనా భక్తులను కాపాడే బృందావన విహారి
                                                                  - కళావాణి-